‘A MAMMA

258

di Franco Blefari

( Alla mia Elena, a mia madre, a mia moglie e a mia nuora )

‘Nto mundu nc’esti sulu ‘na palora,
chi non ti dassa mai lu cor’asciuttu;
s”a dici tutt”u meli nesc”i fora,
pacchì cu’ dici “mamma” dici tuttu.

No nc’è parola ‘o mundu ch’è cchjù bella,
‘na carizza d”i soi è la megghju cura;
vigghja vicinu comu sentinella,
‘i quandu spunta l’arba all’urtim’ura.

Je’ m”a ricordu sempi affacendata,
chi cusi, conza ‘u lettu o chi strofina.
Non pigghja poju tutta la jornata,
passa la vita sua nta la cucina.

Si ccocchjunu è malatu, non si sedi,
non sapi aundi ndav”i sbatt”a testa;
‘na ciaramida carda vasci’ ‘e pedi,
e ‘n’atta vota ncign’a fari festa.

Cu’ ndav”a mamma, ndavi ‘nu trisoru;
je’ chi n”a n’àju cchjù su’ rovinatu:
‘a mamma è mamma, vali cchjù di ll’oru;
est”a cosa cchjù megghju d”u crijatu.

Franco Blefari

24/03/2003
( da “Profondo Sud”, 2008 )
Fine della conversazione in chat
‘A MAMMA’Nto mundu nc’esti sulu ‘na palora,chi non ti dassa mai lu cor’asciuttu;s”a dici tutt”u meli nesc”i fora,pacchì cu’ dici “mamma” dici tuttu.No nc’è parola ‘o mundu ch’è cchjù bella,’na carizza d”i soi è la megghju cura; vigghja vicinu comu sentinella,’i quandu spunta l’arba all’urtim’ura.Je’ m”a ricordu sempi affacendata,chi cusi, conza ‘u lettu o chi strofina.Non pigghja poju tutta la jornata,passa la vita sua nta la cucina.Si ccocchjunu è malatu, non si sedi,non sapi aundi ndav”i sbatt”a testa;’na ciaramida carda vasci’ ‘e pedi,e ‘n’atta vota ncign’a fari festa.Cu’ ndav”a mamma, ndavi ‘nu trisoru;je’ chi n”a n’àju cchjù su’ rovinatu:’a mamma è mamma, vali cchjù di ll’oru;est”a cosa cchjù megghju d”u crijatu.Franco Blefari 24/03/2003( da “Profondo Sud”, 2008 )

Facebook Comments



CHIUDI
CHIUDI
Copy Protected by Chetan's WP-Copyprotect.