‘U FOCU ‘I SANT’ANTONI

229

di Franco Blefari

Ndaju ‘u focu ‘i sant’Antoni,
sup’’e spagli e sup’’a panza,
macchj russi e “‘ncrostrazioni”,
comu fussi in gravidanza.…

M’ordinaru ‘a Brivudina,
‘na cumpressa antivirali,
mi m’’a pigghju ogni matina,
sinnò partu p’’o spitali.

M’ordinaru ‘na pumata,
mu m’’a passu a certi orari,
l’Engystol, ch’esti usata
p’’e difesi immunitari.

Sugnu, nsomma, buca buca,
cu li spagli sanguinanti;
ndaj’’a lingua chi m’asciuca
e lu stomaχu vacanti.

Ca v’’u dicu all’ammucciuni,
jeu, chi sugnu ‘nu pagliecu*,
volia megghju ‘nu gambuni
e ‘nu litru ‘i vinu grecu.

20/5/2017

*zoticone

Facebook Comments



CHIUDI
CHIUDI
Copy Protected by Chetan's WP-Copyprotect.