‘U JORNU CCHJU’ BELLU

‘U primu jorn’’i scola est’‘u cchjù bellu,
cchju tempu passa e cchjù diventa storia;
i cumpagni chjamati cu l’appellu
sunnu pagini aperti d’’a memoria.

M’’a scola non è cchjù com’era tandu,
‘i gliù settembri d’’u Corantanovi:
ndindijimma nquatrati e lagrimandu,
ch’i capigli tagghjat’e i scarpi novi.

Sup’’a porta d’’a scola ndi spettava,
‘u maestru d’’a prima, don Titì,
chi a tutti ‘na carizza ndi dunava,
m’a cu’ ciangìa, si nava puru tri.

Ma volì’‘e sugnu gliocu, stamatina,
‘i tu vij’‘u grembiuli e si nd’’e trizza
e ‘i sacciu qual è ‘a scola di Missina,
pammi ti pozzu dari ‘na carizza..

Volì’‘e ti lapr’‘u zainu di tila,
( a burza mia er’‘e cartuni janca!)
pammi vij’ i culuri tutti in fila,
l’abissi, ‘a gomma o chigliu chi ti manca.

Certu, nd’‘o timparàbissi, ‘u diariu…
‘E u calamaru? non si usa cchjù?
‘u godernu d’‘a prima… e ‘u sillabariu
sunnu ricordi du’ tempu chi fu.

Volìa mi sugnu gliocu quandu nesci,
volìa mi sugnu gliocu quandu vai,
ognu sònnaru, Diu! mi ti riesci
e ‘i va’ cchjù avant’‘i undi mi fermai.

14/10/2010