di Franco Blefari
Continua dopo la pubblicità...
( Ad Ernesto Panetta )
Vegnu quand’est’ ‘u tempu di lu nuci,
‘nto tempu d’ ‘a racina e d’ ‘i cachì,
chi sunnu com’ ’o meli belli duci,
e appena ncigni, già ti mangi tri.
Vegnu quand’est’ ‘u tempu d’ ‘i granata,
chigli dent’ ‘i cavagliu janch’e rosa,
‘nta ‘na cofina bella mbardegliata,
sup’ ‘o sumeri carric’ogni cosa.
Però, me’ car’Ernestu, tu non sai..
ca mi t’ ‘u dicu a ttia mi ven’ ‘i schjattu:
c’ancora stu sumeri n’ ‘o ccattai
e mancu ndaj’’i sordi pamm’’u ccattu…
12/10/2012