L’ANGULEGLIA

45

di Franco Blefari

Certi voti. ‘a ntrisattata,
chi mi pigghja l’anguleglia,
staju mali ‘na jornata
si non gabbu li gudeglia.

E ‘u disiju cchjù frequenti,
‘nta sti jorna di fravaru,
est’’i mentu a mmenz’’e denti
ccocchj ffetta ‘i buccularu.

Non mi mporta s’è ch’i pili,
grassu e magru affettijatu…
quandu ncigna ‘i trasi aprili,
vaju pacciu p’’o salatu.

Tutti l’anni, ’i chisti tempi,
vu’ sentit’’u stessu discu,
c’’o salatu ‘u vogghju sempi
cu ddu’ cramb’’i favi friscu.

Ma p’’o restu di l’annata,
si mi pigghja l’anguleglia,
cangiu sulu la sonata
pa ‘nu mmorzu ‘i frittuleglia.

24/3/2018

L'immagine può contenere: cibo

L'immagine può contenere: cibo

Facebook Comments